Click to listen highlighted text! Powered By GSpeech


Namangan viloyati hokimining 2020 yil 3 apreldagi 124-f-sonli farmoyishi bilan koronavirus pandemiyasiga qarshi kurashish choralarining amal qilish davrida viloyat aholisini asosiy turdagi oziq-ovqat mahsulotlari bilan uzluksiz va qulay sharoitda ta’minlash hamda narx-navoning barqarorligini saqlashning vaqtinchalik tartibi joriy etildi.

Namangan viloyat IIB YHXB va PPX tomonidan koronavirus infeksiyasi tarqalishining oldini olish, fuqarolarning karantin qoidalariga amal qilishini nazorat qilish maqsadida nazorat tadbirlari tunu kun o‘tkazilmoqda.

3 aprel kuni Namangan viloyati bo‘yicha 149 ta karantin qoidalarini buzish holati qayd etildi.

Namangan viloyati Mahalla va oilani qo‘llab-quvvatlash boshqarmasi qoshida “Call senter” va “Homiylik xayriyalarini muvofiqlashtirish markazi” 2020 yil 3 apreldan o‘z faoliyatini 1197 raqam ostida boshladi. Markaz tomonidan viloyatimiz bo‘ylab aholining turli muammolarini olib muruvvat yordamlarini ko‘rsatish choralari ko‘rilmoqda.

Koronavirus infeksiyasi tarqalishining oldini olish, fuqarolarning karantin qoidalariga amal qilishini nazorat qilish maqsadida Namangan shahrida o‘tkazilayotgan maxsus reydlarga 63 nafar yo‘l patrul va 48 nafar post patrul xodimlari, shuningdek, milliy gvardiya hamda sanitariya-epidemiologiya nazorati davlat inspeksiyasi tizimidagi xodimlar jalb qilingan bo‘lib, ular tomonidan nazorat tadbirlari tunu kun o‘tkazilmoqda.

Karantin tadbirlari e’lon qilingan vaqtdan bugungi kunga qadar Namangan viloyati bo‘yicha qoidalarga amal qilmaslik bilan bog‘liq jami – 1578 ta holat aniqlangan.

Bugungi kunda jahon miqyosida yangi turdagi koronavirus infeksiyasiga qarshi kurash olib borilyapti. Pendemiya bois barcha xizmatlar harakatda, ayniqsa sanitariya-epidemiologik osoyishtalik va sog‘liqni saqlash tizimlarining hamjihatlikdagi faoliyati bag‘oyat kuchaytirilgan. Kasallik tarqalishiga yo‘l qo‘ymaslik, epidemiologik vaziyat barqarorligini ta’minlash birinchi galdagi vazifadir.

Click to listen highlighted text! Powered By GSpeech